CCYI Cangan Zuawmawknak Laksawng peknak

December 22, 2010

First a ngahtu ... Mai Shalom... ih Cahram

“Tho Uhsila Dinsal Uhsi!”

    (Nehemiah 2:18)

Lungawi thusimnak:

Chin Christian Youth International (CCYI) tuanvo neitu pawl parah Pathian in hna a tuan ih kan ram le kan miphun tluksiatmi tungding sal theinak dingah tin khua an ruat thiammi hi a thupi tuk. A va ropi em! Cun mipi ih ruahnak peknak an rak timi  Nehemiah ih Jerusalem tundinnak thu ngelcel an hril thiammi parah lungawithu ka sim duh a si.

Second Ngahtu Pu Lal Lian Zual ih Cahram

Tho Uhsila Din Saal Uhsi

(Nehemiah 2:18b)

Thuhmaihruai: Daan Peksalnak cabu kan zoh ahcun Israel pawl cu thu an lung a si le Pathian thluasuah an dong dingih an thlun lo asile tlaksiatnak a phunphun an tong ding ti kan hmu. Cutin Israel thuanthu san a pehpeh ah Pathian thu thlun loin an um ih Pathian hremnak khal a phunphun an tong. Pathian in a profet pawl hmangin ralrinnak a pek nan an rim lo ruangah Babilon siangpahrang Nebuchadnezzar kutah a ap ih Judah siangpahrang Zedekiah san ah Jerusalem cu an lakih mei thawn a ur ttheh. Judah mi pawl khal tampi an that ih a dang salah an hruai. Judah ram ahcun minung malte lawng an taang.