Pathian lamhruainak le zumtu u le nau pawl ih thlacam saknak ruangah India Khawpi ih CCYI cangvaihnak CHIN CA zirnak cu tluang le remte in peh vivo a si. September Thlasung zir ding a si. A thok pek ahcun zirtu tlawngta 30 hnak in kan mal na'n atu September 14 tiang ahcun mipum 55 lai an kim thei ih mipum a karh vivo. Curuangah Class hnih in then a siih, upa deuh le nauta deuh tiin then a si.
A zirttu Saya tla N.Delhi ih CCYI commitee sung ihsin an siih Salai Lal Sawi Ceu (E.C) le Salai Cung Aung (Secretary) an si. Miphun duhdawtnak ruangah man lo cing le dam lo cingte'n volunteer ih zirhtu an si.
Himi Chin Ca zirnak hi thlahrek lai caan a tanglai ih cumi sungah kan tulmi sumpai, Rickshow Fare, Mithar pawl hrang Note book le Pen siseh, Nitin in ding Tidai thiang hrang siseh, tiin kan tulsam mi tete hi a tamzet lai. Amalbik ah Rs. 7000/- lai kan sam lai.
Unau nang le kei in kan Chin mi kan Chin ca thiam lo pawl hrangah titheitawk in kan telpi ve lo ding maw? Miphun duhdawttu kan si ahcun atu caan hi kan miphun hrang tuan theih caan, caan thabik a si. Delhi dinhmun cu a tamsawn cun kan theithiam ko ding ti kan zum. Tusun Vai lak ah hnatuan ih Cuih ih hlawhngah sunte thawn zaanriah hrang le thaithawh hrangah hman a si. Fangkhat fanghnih ngah ding hi a ol lo. Unau, ziangkhal lo le mai ti theitawk te suah in CCYI (Delhi) pawl ih cangvaihnak ah thlacamnak lawng siloin mai siantawkte thawn telpi cio dingin ka lo sawm duh.
Duhdawtnak thawn a sawmtu:
Salai Thian Za Thang
* * *
Bomnak sumpai kuat duhtu pawl hrangah:
Salai Thian Za Thang
Central CCYI E.C
Email: salaistar@gmail.com
Mb:9910293229
 |
| Salai Cung Aung (Secretary) |
 |
| Upa deuh khaan pawl |
 |
| Nauhak deuh pawl |
 |
| Salai Lal Sawi Ceu |
CCYI Delhi pawl nan ti t'ha tuk...!
ReplyDeleteAn zuk zoh in tha a tho nasa...
A reihlan ih US, Australia le EU lam thlengding
an si ih an feh hlanah kan Chin ca an thiam ta ding a thupi tuk ngai...
Chin ram le miphun ih hmailam hruaitu ding an si...
Salai DL