Chin Christian Youth International in a vei khatnak conference

"GOD IS GOOD all the time"

Mipi ding in hlasak

 Chin Christian Youth International in a vei khatnak conference cu Pathian lamhruainak thawngin Tahan ah ropi tak ih tuahsuak a si. Himi ni ih ra suaktupawl hi khaw kip ih mino hruaitu le kawhhran kip ih mino hotu, sungt’uan le rinsanmipawl lawnglawng an si.  Khat le khat Tahan PCM – Immanuel Biakinn pi ih an hun tonawk hicun an thinlung te’n , aw… hipa tla hi an khawtlang lole kawhhran ih an rinsan lole hnat’uan nei vetu a si ding tin khat le khat an upat awk zia a lang.

PCM Biakinn kutka an rung lut in conference ra kaitupawl in cabuai par ah an hmin anmah te’n an ngan ciau hngai ih CCYI thuthangca The Chin Times timi an lak thluh hnuah thawhhlam ei thluh in Biakinn sunglam ah mahle tonak ah an lut ih an to thluh. Areihlan ah hla hruaitupawl in program cahnah tuahmi sungih nganmi hlapawl cu hril in mipi pawl in sakpi dukdo. An aw in mipi in neh zia cu a tlir dupdo. Himi ni ih kan thusimtu ding pawl tla Asher pawl in anmah le tonak ding hmun ah an hlei thlah ih an to t’hept’hep ve. An hmel zoh le cangvaih dan zoh in mipi in thazang kan rak ngah zo.

CCYI secretary in thucah tawi sim

Kan conference  khawmhruaitu cun minute pakhat khal duhlo le samlo ah dingin in run hruai ve. A dung ih tarmi Chin Christian Youth International timi banner tarmi hrimhrim in mipi thinlung in hip tuk in kan thei aw ciau. Saya Josiah Mang in thla a cam ih cutin kan hunserh cu kan pehzom vivo.

Salai DL Senling in CCYI ih past, present le future thusimnak a nei.  CCYI cu Pathian thuthawn mil awin hnat’uan a tum zia le hih mi pawlkom in Pathian le Chin miphun hrang tithei tawkin le rinum te’n a liamciami ih ke a rak kar zo vekin hmailam khal ah ke a kar vivo tum thu tla fiang zetin a rak suakmi mipi hnen ah simfiannak a nei. CCYI ah kawhhran, hrinhnam, theologian, secular le pawlkom thleidan awknak a um lo zia Khrih le Miphun ih pum khat kan sinak khat le khat zoh aw tonin leitlun killi ih um Chin Mino zate’n kutkai aw ih hnat’uan vivo tu ding an sinak khal a sim tel fawn.

Rev. Ring Lian Thang

Himi ni ih kan conference thupi cu “Tho In Dinsal Uhsi” Neh. 2:18 hi a si. Hlasak thiam pawl le kan thusimtupawl khal in anmah le t’uanvo ah himi thupi hoi in sak le simnak an nei thluh hngai.

Mai Sung Duh Kim in Chin hla thawn Pathian thangt’hatnak hla a sak thluh in Rev. Khar Thuan in “How to have strong organization” timi thulu hmang in minute 20 sung a ra suakmi mipipawl thazang peknak in nei ih kan zate’n kan hlawkpi thluh ciau.

Mai Lal Biak Mawi in Chin hla thawn Pathian thangt’hatnak hla a sak thluh in Dr. C. J Hrang Hmung in “Spirituality” timi thulu hmang in minute 20 sung a ra suakmi mipipawl thazang peknak in nei ih kan zate’n kan hlawkpi thluh ciau.

Salai Henry VL Hmangaih in Chin hla thawn Pathian thangt’hatnak hla a sak thluh in Rev. Ring Lian Thang in “Socialism” timi thulu hmang in minute 20 sung a ra suakmi mipipawl thazang peknak in nei ih kan zate’n kan hlawkpi thluh ciau.

Hun serh hmang thok

Mai Lal Hruai Eng in Chin hla thawn Pathian thangt’hatnak hla a sak thluh in Rev. T’ha Lian Fai in “Social Development” timi thulu hmang in minute 20 sung a ra suakmi mipipawl thazang peknak in nei ih kan zate’n kan hlawkpi thluh ciau.

Kan hlasak thiam pawl le kan thusimtupawl in anmah le t’uanvo pelhlo ih an lak thluh thei lawng siloin an hlasak le thusim miin mipi pawl thazang in pe zet. A rak suakmi mipi 250 hrawng ih mithmai cu zoh ah thazang kan ngah ciau ti sut awk t’ul loin a lang.

CCYI president dinhmun in thusimnak caan Central CCYI president a ra tel theilo ruangah Vice President Salai Henry VL Hmangaih in Bible cathianghlim ih a duhmi pawl lawrkhawm in minute 20 sung thazang peknak in nei.  Mipi pawl ih kan auaw cu hivek pawlkom hisi kan Chin miphun in khaikhawm thluhtu ding ih kan rak hngak micu tin an ti ciau.

Ruai an theh lai

Kan hunserh I nak cu a cem ih kan zate’n rawl in suansakmi thaw tak cu kan ei khawm hngai ih khrismas ruaipi tuah vek khi a si.  Kawhhran kip, pawlkom kip le khaw khat le khaw khat thleidan awknak um riai loin kan zate’n hmun khat ah hivekin rawl kan ei thlan hi ka thei dah hrih lo tiah himi conference ih ra kai vetu pakhat in a ti.

Rawl kan ei thluh in hunserh II nak cu kan pehsal.  Mipi lam in thusut duhmi a um a sile kau zetin sangka on a si ti a si ruangah mipi lam ihsin dozen khat lai ih thusutnakpawl a suak. CCYI thuthawn pehpar awin thusutnak  ummi zate’n  Salai Henry VL Hmangaih le Salai DL Senling in a sangsang te’n letnak an neih thluh. Cutin kan conference cu khop lo cing te’n kan t’iap ih kan ratnak zin zawh in kanmah le inn le khaw zin ciau pan in kan bye… awk thluh hnu ah kan t’hen aw lanta hngai tiah CCYI hruaitu pawl cun Tahan CT palai hnenah an sim.

CCYI Conference a vei khat nak cangsuak dingah  tikcu, thazang tampi sengin in bawmtupawl, thlacamnak thawn in rak bawmtupawl parah kan lungawi.

Sumpai lam ih t'anlatupawl

Thomas  Pathuam              $ US       120

Salai Van Cung Lian          $ US       120

Chinland Today                  $ US       135

Kawm                                      Ks. 300, 000

Pu C. Lal Ram Muan          Ks. 100, 000

Bangalore CCYI            +   Ks. 100, 000

                       Zate kom    Ks. 500, 000

An zate parah sim cawk lo lungawinak kan nei.