"GOD IS GOOD all the time"
Thupek ropi ti ih kan theih larzet mi cu Jesu’n a thlawsal hnu ih a dungthluntu minung hleikhat pawl hnenih a thucah ta mi hi a si. Kan Bible ah hin Jesu’n a dungthluntupawl vawithum hitivekin thupek ropi zet a pek thu kan hmu thei. A hmaisabik a pekmi cu Mark 16: 14-20 ah kan hmu thei. Cuthehah, Mathai 28: 16-20 khalah fiangsin in kan hmusal. Cule anetabik a langnak cu Dungthluntu 1: 8 ah a si.
Hitawk ih kan Bible catlang in a sim uar mi cu thuthangtha va sim, hmun tinih aupi lawng asilo, kan thuthangtha ken mi milin kan nun khal a um ding ih cule mi in kanmah kha in hmuh le theih tikah “ Khrihih thutheitu” lole “ Khrih theihpitu” kan si ding. Tawngdang in kan sim asilen Khrih ih dungthluntu kan si kha an thei ding ih cule Khrih ih dungthutu ti ih kawh khal kan si fawn ding.
Hminsin: Pehzawm vivo ding.
Thupek ropi ti ih kan theih larzet mi cu Jesu’n a thlawsal hnu ih a dungthluntu minung hleikhat pawl hnenih a thucah ta mi hi a si. Kan Bible ah hin Jesu’n a dungthluntupawl vawithum hitivekin thupek ropi zet a pek thu kan hmu thei. A hmaisabik a pekmi cu Mark 16: 14-20 ah kan hmu thei. Cuthehah, Mathai 28: 16-20 khalah fiangsin in kan hmusal. Cule anetabik a langnak cu Dungthluntu 1: 8 ah a si.
A tlunih Bible kan tarlanmi hmaisabik Mark ih thuthangtha ti ih kan theih mi hi Thuthangtha pali ( Four gospels) kan ti mi ah cun ngan hmaisabik mi a si ti ah Bible lam thiampawl cun an ti. An ngan can hi AD. 50-60[1] karlak hrawng a si. Hitin Mark cun a ngankhum, “ Cui hnuah rawl ei ih an to laiah a thluntu hleikhat hnenah a lang. A thawhsal hnu ah mi hrek in an hmuh thu a thluntu hleikhatpawl in an zum lo ruangah, an zumlonak le an lungruhnak kha a kawt hai. Cule, anih in an hnenah, “ Leitlun khaw zakipah va feh uh la sersiam mi tinkim hnenah thuthangtha va sim uh. A zum ih baptistma a cotu cu rundam a si ding. Asinan a zumlotu cu thiamlo coter a si ding.” ( Mark 16: 14-16) ti ah a ti. Hi tawkah Mark in thupizet ih a sim mi cu thuthangtha va sim uh ti hi a si. Ttawngdang in kan sim a silen fehsuak ih thuthangtha sim le phuandarh hi a thupit ter bik ti ai a si. Cun, an zum asilen a zumtu cu thiam coter an si dingih an zum lo asilen thiam lo an co ding thu khal a rellang. Cule, a zumtupawl kha Baptistma co ter ding an si zia thu khal a simfiang tel.
Cun, kan Bible catlang dang Dungthluntu 1: 8 ah khal hitin ngankhum a si, “ Asinan Thlarau Thianghlim nan parih a rung thlen tikah huham nan ngah ding. Cule Jerusalem khua ah, Samaria ram hmuahhmuah ah le leilung tlun deng tiangin ka thutheitu nan si ding,” ti ah a ti. Dungtluntupawlih cangvaihnak hi 62- 70 AD[2] karlak hrawng ih ngankhum mi a si. Hi catlang thuthawi pehpar aw in mitampi in kan simsual ttheu a bang ka ti. Dungthluntupawl kha Thlarau Thianghlim an parih a rawng thlen leveten an mah le khua cio ah kirin thuthangtha an sim thawk. Mai innsang ah kirin lole mai innsang ihsi thawk in thuthangtha sim ding ti, hi Bible catlang ihsin kan la tlangpi in a lang. Asinan, naihsawn in Dungthuntupawl hi kan zoh asilen a tamsawn hi cu Galili pengsung in an si ti thu Bible ah fiangten kan hmu thei. Asinan, Thlarau Thianghlim in an khah leveten, a langte sungih an umnak hmun Jerusalem ihsin thawkin thuthangtha tlangaupi ding sawn kha Jesu’i cah ta mi a si. Mipiangthar kan si leveten kan innsang ihsi va tan kherkher ding a silo, cuhnakin kan piantharnak hmun le ram ihsin thuthangtha ausuahpi hi kan thawk sawn ding a si.
Hminsin: Pehzawm vivo ding.
No comments:
Post a Comment