Monday, October 24, 2011

SUAHCAM LUNGAWINAK CCYI PARAH UM HRAMSEH..!




CCYI TIMI CU



CCYI timi cu Chin Christian Youth International, a tawizawng ih ngan le hmanmi a si ih Chin pawlkom pakhat a si. CCYI cu kum khat lenglo sung thlacamnak thawn timlamnak neih a si hnuah October 3, 2010 (Zarhpi ni) ah din suak a si. Himi din t’umah India, USA, Denmark, Norway, Malaysia, le Philippine ram 6 ih um Chin minopawl in din thawk a rak si.


Hih pawlkom hminih Chin timi hman a sinak san cu CCYI pawlkom cu Chin mipipawl ih dinmi pawlkom a si ti langternak, kan miphun hmin hrimhrim a si ruangah le leitlun pumhuap mipi ih in theihnak kan miphun hmin a si ruangah hman a si. Pawlkom hminah Christian timi telh a sinak san cu Chin miphun cu A nung Pathian biatu (Christian) Miphun kan si ti langternak hrangah a si. Kan pilepupawl san ahcun Chin miphun cu khuavang, thingkung, le lungpi biakin an rak um. Kan pilepupawl in anmah sanah kan tesinfapawl in khuavang biaknak in A nung Pathian biaknak dangah an rung peeng leh ding tiin an rak ruatlo mei thei. Cuvek thotho in tuisun ih Chin mipi in kan tesinfa san ahcun Christian ihsin biaknak dangah kan Chin miphun a rung letlo ding tiin zohman in sim cia a theihlo ding. Curuangah CCYI in himi Christian biaknak hi Chin mipi ih biaknak a sizia le himi biaknak ihsin a dang biaknak ih letaw lo dingin tithei tawk suahin kan biaknak humhimawk dingih duhsannak thawn Christian timi hman a si. Youth timi hman a sinak san cu Ram le Miphun ih thaisun cu mino kut ah a um. Curuangah Chin minopawl in kan nolai caan ihsin Pathian le kan Chin miphun hrangah tithei tawkin t’uan in hmailam hrangah timlamnak neih thei a si ding tumtahnak thawn hman a si. International timi hmannak san cu Chin miphun hi leitlun killi ah kan thleng zo a si. Chin mino sungin ramsung le ramleng ah international level ih fimnak zirsuak, le hnat’uan a umaw rero zo ih hmailam ah tla an um vivo lai ding. Himipawl in international level in kan Chin miphun le ram in hruai theinak ding tiin hman a si.


CCYI pawlkom cu leitlun killi ih Chin mipi umnak kipah din tum vivo a si. CCYI dinnak kum khat a reiah CCYI mipum cu ram sarih ah a karh zo. CCYI hi khaw kip le ram tin ah din tum vivo a si. Himi CCYI pawlkom hnget’eekpawl cu Global CCYI ih hnuaiah an um thluh. Global CCYI le a hngeteek kawmit’i ih thuron upapawl le OB pawl cu a hnuailam vekin a si.


Global CCYI Thuron upa, le OB pawl             


Thuron upapawl


1.      Rev. Hre Mang (US)

2.      Rev. Run Cung Mang (Malaysia)

3.      Pu Rualthankhum Sunthang(Myanmar/Australia)


President:         Thomas T’ha Nei Thuam(USA)

Vice President:  Henry VL Hmangaih(Philippine)

Secretary:        Salai DL Senling(India)

Ass. Secre.:      Salai Justin Sanghrin Thang(USA)

Treasurer:        Salai Lal Ram Muan(Norway)

Ass. Tre.:         Salai Van Cung Lian(USA)



Bangalore CCYI thuron upa, le OB pawl


Thuron upapawl


1.      Pastor Armstrong Biaksin Bil

2.      Pastor Moses Ngun Sui Luai


President:       Salai DL Senling

V. Pre. :         Pastor Khuang Bil Thang

Secretary:      Salai Lal Duh Tluang

Ass. Secre.:    Salai Lal Biak Hlu

Tres.:             Mai Thian Khaw Mawi

Ass. Tre.:        Mai Niki


Tahan CCYI Thuron Upapawl le OB


Thuron upapawl


1.       Pu Mang Lian Tlung

2.       Pu Cung Luai Mang

3.       Rev. Thawng Cin Thang

4.       Pastor V. En Thang

5.       Pastor Sui Mang 


President:          Salai Lal Lian Zual

V. President:      Salai Run Tin Ceu

Secretary:         Salai Hngak Lian Eng

A. Secretary:     Salai Issac

Treasurer:         Mai Van Ro Tluang

A. Treasurer:     Mai Duh Nei Thluai



Aizawl CCYI thuron upawl le OB


Thuron Upapawl: 


1.  Pu Suithawn Tait’hio

2.  Pu Sui Thawng En Thang
3.  Pastor Sui Nei Luai


President -         Salai S. Lal Hu Lian
Vice President – Salai Lal Biak Lian
Secretary -        Salai Sai Lian Pum
Ass. Secre. -      Salai Samuel
Tressurer -        Mai Ruth Tluang Hnem Zing
Ass. Tres. -        Salai Js Jama



Delhi CCYI Thuron upapawl le OB


Thuron upapawl


1.      Salai Uklian

2.      Salai Thian Za Thang


President                      : Salai Van Bawi Thawng
Vice President               : Salai Sui Lian Thawng
Secretary                     : Salai Cung Aung Mang
Asst. Secretary             : Salai David Lal Ma Chuan
Treasurer                     : Mai Judith Van Lal Hnem
A. Treas.                      : Salai Lal Sawi Ceu

        

Thipcang CCYI Thuron upa, OB le EC pawl


Thuron Upapawl


1.  Rev. T'ha Kip Thuan

2.  Pastor Khaw Tin Hre

3.  Sayakyi T'in Hlain

President:        Salai Lal Biak Sum

Vice-President: Salai Lal Tlan Thang

Secretary:        Salai Lal Din Pui

Tresurer:         Salai Lal Lian Eng

Ass. Tres.:       Salai Lal Lian Luai



Malaysia CCYI OB

President:        Salai Wesley Bawi

V. President:    Salai Jeremiah

Treasurer:       Mai Than Nei Kai

Ass. Treas.:     Michael Van


A tlun ih khua le rampawl (Bangalore, Delhi, Aizawl, Tahan, Thipcang, Malaysia) hi CCYI kawmit’i hnget’eek hnget zetih din zonak hmun an si ih a mipum umnak cun T’achilik, Pin Oo Lwin, Falam, Hakha, Yangon, US, Norway, Demark, Philippine lam ah tla mipum karh vivo a si. CCYI mipum hi kan zatein mi 200 cuang hrawng kan si zo. Kel-awh le t’umsuk lam si loin Pathian in t’hanso lam ah in hruai vivo ih a lungawi um zet.


CCYI pawlkom in Chinram hnakin Chin mipi thupi ah retin hnat’uannak a nei vivo tum. Ziangah tile kan Chinram a thlengawk hlanah kan Chin mipi thinlung put a dikta a t’ul.  CCYI ih tumtahmipawl cu leitlun killi ih thleng Chin mino le nulepa pawl himi pawlkom hmangin khat le khat theihaw le nelaw in hnat’uan tlang, ram leng ah fehin kan zirsuahmi fimthiamnak le hawlsuahmi sumpai hmang in kan taantami Chinram sungih ummi Chin mipi hrang taksa, thinlung le thlarau damnak thlen dingih hnat’uan, ram lengih thleng Chin mipi in mai t’ong le ca hngilh lole zahpi lo dingih hmalak, a hlomi Chin mipi hawl suak in hlo betlo dingih kilhim le a siat reromi kan Chinram le Chin miphun hi Pathian thuthawn “Tho In Dinsal Uhsi (Neh. 2:18)” tvp an si. A tawizawng cun a t’hangso rero mi kan leitlunah Chin mipi in kan Chin nunphung t’ha le mawi hloter loin kilhim in le Pathian thuthawn kan miphun hauhruang kulh pit ding a si. 


Ahleicein CCYI in Calai le awnmawi hmangin Chin mipi lakah lutin hnat’uannak a nei vivo tum. 


CCYI in Chin calai a thlunmi le t'ongfang a hmandan ding cu a tlang piin a hnuailam vekin an si. Himi kan run tarlangmi hi CCYI ih tuahcop le phuahcop siloin FCCLS le CLF kan palepawl cabuai pakhat ah to tlangin sun ni hlawh an relmi, Chin Calai LUNGRUALNAK (Chin Literature Society, CLS tiin ko tla an um)  an tuahmi a si. Kan pale ih tuahmi Chin Calai LUNGRUALNAK cafang hmandan le t'ongfang hmandan hi kan Chin Miphun pi ih thlun ding hrimhrim in CCYI in a ngai. Curuangah CCYI khalin a dik le diklonak lam siloin an lungrualnak zonte zohin kan Chin miphun le calai hrang damnak a sip hah ding zumnak thawn a thupitternak a si. Himi lungrualnak hi mipi vantlang cun theilotu kan tam men thei. Himi Chin calai lungrualnak hi FCCLS le CLF upapawl cabuai pakhat ah to tlangin lungrualnak an tuahsal bet asile cumi cu CCYI ih thlun vivo dingmi Calai a si. Tui CCYI ih thlun rero laimi LUNGRUALNAK tuah laiih lairelnak ih kaitu upapawl le an relcatmipawl cu a hnuailam vekin an si.


Ahmun: MMC, Yangon
Ani: May 11, 2002
Atikcu: 13:00

Lairelnak Kaitupawl

Sawmmi
1. Rev. Kyon Bill
2. Rev. Thang Tin Sum


FCCLS
1. Rev. Hrang Cung Nung
2. Rev. T'ial Dum
3. Rev. Berbnard Luai Hre
4. Rev. Saw Ling
5. Rev. R. T'ha Biak

CLF
1. Dr. Than Bil Luai
2. Pu No Than Kap
3. Prof. Riang Vel
4. Rev. Lal Hlun Eng
5. Rev. T'ha Lian Fai
6. Rev. Lal Ro Hngak
7. Pu Lincoln Bill


Orthography zoh tlang dingmi thu ah hitin lungkimtlangnak kan nei.

 a)    Closed Syllable (CVC) asile "AW" hman ding, awtawi asile "O" hman ding.  
       Taht'himnak ah "tawk" le  "tok" (tawk = a tawk, tok = ataw ka tok tvp.)

b)  CVC ah awtawi asinain, "lh, h, k, p, t," in a awsuah a phih asile "aw" hman  
    ding. Taht'himnak ah "colh" ti aiah "cawlh", sunloih ti aiah "sunlawih", "kolh" ti aiah "kawlh", "huaihot" ti aiah "huaihawt", "thok" ti aiah "thawk", "pop" ti aiah "pawp" tvp... tiin hmang an si ding.


c)    Open Syllable (CV) ah "ng" thawn cemmi cu awsau le awtawi zoh in, "O" le 
       "AW" hman ding. Taht'himnak ah "meet" (English) ah "tong" tiin "O" hman ding, asinain, "fight, or confront (English) ahcun "tawng" tiin "AW" hman ding.

d) Cun, thilhmin (noun) ah siseh, tuahnak (Verb) ah siseh, awsuah a thlengawk tikah, a hrampi vekin ngan siloin, awt'ek, lole awsuah vekin ngan thluh ding. Taht'himnak ah "Khuapi" siloin "Khawpi", "Siapi" siloin "Sepi", "Liannak" siloin "Lennak" tvp. tiin ngan ding.



CCYI din thawknak ihsin tuisun thla hleikhat sungah CCYI in Chin mipi hrang a tuahsuak zomipawl cu a tlangpi in:


1.      “Tho in Dinsal Uhsi” timi thulu hmangin Cahram ngan zuamawknak a tuah.

2.      Zarhpi ni ah Online Thusimnak a nei t’heu.

3.      Tahan ah Conference a tuah.

4.      Tahan ah A3 side in The Chin Times suah.(Thuthang picang ih suah bet cing)

5.      Aizawl ah Conference a tuah.

6.      Aizawl CCYI in Chin mipi hman dingmi Chin pawa a tuah.

7.      Malaysia ah Conference a tuah.

8.      Malaysia CCYI in The Chin Times a suah (Zarh khat vei khat)

9.      Malaysia CCYI in Chin mipi hnat’uan neilo hawlsaknak a nei, fim zirnak sangka a on sak.

10.    Bangalore CCYI pawlin Chin mipi hnat’uan hawl a bawm.

11.    Aizawl ah Chin Gospel Live Concert tuah in DVD ah suah.

12.    Delhi CCYI in September, 2011 sung Chin ca zirnak ropi zetin a tuah.


CCYI pawlkom hi longterm planning nei ih dinmi a si vekin zamrang tuklo le nuamte tuk loin hmalak vivo a tum. CCYI in Chin mipi hamt’hatnak ding hrang project dang tuah rero laimi a neih vekin Chin mipi thawn sunmang tampi nei tlangin cangvaihnak neih vivo a tum.


Chin Christian Youth International hi Chin mipi hrang ih dinmi pawlkom a sivekin Chin mipi zatei' ta a si. CCYI a cak le Chin mipi kan cak ding. Curuangah CCYI hi na ta a si vekin kan Chin mipi zatei’ ta a si ve. CCYI ah zirsang zirsanglo, nauhak upa, hrinhnam, kawhhran, pawlkom, secular le theologian tiin thleidan awknak a um lo. Khrih le Chin miphun ih pumkhat kan sinak zohaw ton in Pathian hrang le kan Chin miphun hrang ke kan kar tlang ding titu zatein zalen zetin tel theih a si. Leitlun killi ih thleng Chin mino le Chin nulepa kan zate'n kan biak Pathian le kan Chin miphun hrang kutkai awin hnat'uan ding tampi kan nei. Nehemiah in, “Kan thangsiatnak hi rehter uhsi,” a ti bang kan Chin miphunih parmawinak le hmuinak vanih a par suah thei salnak dingah Nehemiah le Israel mipipawl kutkai awin Jerusalem phardawl an tundin sal bang dotu le soiseltu lakah ding le dungsip loin kan Chin miphun ih t'ulmi zoh in Pathian hmin sunlawinak le kan Chin miphun t’hansonak hrang tundin t’ulmi le rem a t’ulmi tuah t’ha dingah kan hmailam zin hlapi thlir in kutkai awin ke kar tlang uhsi tiah kan sawm aw a si. Pathian ih thlawsuah pek ding tlakin hnat'uan uhsi. Mipi rian loin Pathian kan rian theilo.



Dam le tluang tein,

Salai DL Senling








"GOD IS GOOD all the time"

1 comment:

  1. Kan Logo thar cu a mawi law law... keicu 100% ka lungkim viarviar. A timlamtu le tawlreltu nan thiam law law

    ReplyDelete