Pathian lamhruainak thawngin CCYI (Delhi) ih a veikhatnak Khawmpi cu January 7, 2012, Living Faith Baptist Churh ah tluangten tuah suak a si. Himi khawmpi ah Kawhhran tin.. Delhi Burmese Christian Fellowship (Youth), Gospel Baptist Church (Youth), Living Faith Baptist Church (Youth), Zaniat Christian Fellowship (Youth) pawl Hlarem, Solo, Duet hlamawi a phunphun in siseh, GBC ihsin Church Pastor Rev. David Mang Hrin Luai in "Ziangruangah Pathian kan biak" tihmi thulu hmangin siseh, LFBC Church Pastor Rev. Kap Thuan Thang in "Nupi Pasal Hawl Daan" tihmi thulu hmangin siseh, Pathian Thu thawn forhfialnak an nei a si.
A khawmtu hi Biakinn khat a siih, mipum 200 lenglo kan kim. Himi khawmpi ih ra teltu Pastor pawl le mipin pawl in tla kumkhat ah a malbik vei(4) neih thei ding hi duhthu sam a si zia thu tla an rel.
A hmun le hma in siantu Living Faith Baptist Church Pastor, Bupi EC parah siseh, Member zate parah tla lungawinak simcawk lo kan nei a si. Khawmpi ra zawhtu Kawhhran tin ih mino pawl parah tla lungawinak simcawk lo kan nei a si.
Lungawinak tumpi thawn
CCYI (Delhi) ai le Central EC ai-awh in
Thang Kolh
Blogger
"GOD IS GOOD all the time"
Nan va ti tha em ve aw.
ReplyDeleteHivek ih thiltha tuah zuam sinsin hram uh.