CCYI (New Delhi) Chin Calai Zirnak tluangten thehsuak

 

India khawpi ih CCYI cangvaihnak (update)

Pathian lamhruainak le zumtu u le nau pawl ih thlacam saknak ruangah India Khawpi ih CCYI cangvaihnak CHIN CA zirnak cu tluang le remte in peh vivo a si. September Thlasung zir ding a si. A thok pek ahcun zirtu tlawngta 30 hnak in kan mal na'n atu September 14 tiang ahcun mipum 55 lai an kim thei ih mipum a karh vivo. Curuangah Class hnih in then a siih, upa deuh le nauta deuh tiin then a si.

New Delhi ah CCYI cangvaihnak a thok.

CCYI hminin Chin Ca zirnak cu New Delhi ah tuni September 5, 2011 ihsin  Living Faith Baptish Church ah zir thok a si. Thinlung kauzet ih Biakinn in hman siangtu Church Pastor Rev. Kap Thuan Thang parah siseh, Deacon upa pawl parah siseh, sungtel zate parah siseh, Centeral CCYI hmin in lungawi thu kan sim duh. 

RUNDAMNAK THUAH THUM

                                                                      By: Stephen Tha Nei Fai

Jesuh Khrih ih Rundamnak hi sakhaw dang hmuahhmuah ih an neih lo mi  kumkhua thil maksak a si. Eden sual in minung thlarau a that (Efe.2:1) ih minung thinlung a selingletter theh  (Jer.17:9). Cule minung taksa cu ke in luthlung zim tiang hmasia in a khatter theh (Isai.1:5-6; Saam 38:3).  Satan ih  thih termi minung thlarau cu Pathian in Khrih sungah a nung terih  a selinglet zomi thinlung cu thinlung thar in a thleng (Ezk 36:26, Jer.24:7). Cule  natnak ih khatmi taksa cu Jesuh an vuaknak  vualah in damter (Isai.53:4). Cuih Rundamnak thuah  thum cu kan zir tlang ding.

Aizawl CCYI Concert

  

 

   

Duhdawt mi CCYI u le nau.........

 

Pathian lam hruainak le CCYI kan zate ih kan tanrualnak ruangah Chin Gospel Live Concert hlunghlaizet in kan theh suak thei a si. Minung ih kan ruahban lo tiangin hi kan Concert zaan ah Pathian lamhruinak kan co hleice a si. Mizoram ih an rinsanzet mi le Video edit lam khal ih mi hminthang Pu Buta (vulmawi)le, Awnmawi lam ih an rinsanbik mi Pu Dar Thuama cun hi vek ih Mizoram Aizawl ih Concert hlawh tling, tui ni tiangah kan hmu dah lo ti in in sim rero.

Cun Mizoram hlasak thiam kan sawm mi pawl khal,nuam an ti tuk,Liandingpui phei tla cu mizo hla a sak mi Chin hla in in let sak uh.Tui zan rori ah ka sak saal ding in ti rero, cui sin pacang thatha mizo mi in zoh tu pawl khal in Live rori ih kan tuah an hmuh tikah mak an ti in nuam an ti tuk. Cun kanmah Aizawl CCYI hruaitu pawl khal man hla kan ti nasa.

Cuisin Chin Rock Siangpahrang Solomon in hla a vun sak taktak cun Hall sungih a umtu chin mipi pawl cu mai aw nei tawk suah in an au ciamco, Biakinn hman ih kutbeng dah lo Pu Sang Ci rori hman a dingih a kut hnih thlir in a lam durdo, cu mi bak ah mi dang pawl khal an mai umnak ihsin to men thei lo in mai thiam dandan in an lam an khir rero, cun thlarau hlei fuan co pawl khal concert tual rawn ah ra in, cuihlan thangphawknak thlenlai bangin an lam durdo.

Hi zan ih a ra mi pawl hmuahhmuah cu kan nuam tlang khawm a si. Solomon rori khal in concert hla ka saknak ah tuitum hi nuam ka ti bik ti in a rel rero, CCYI hi Pathian in lam in hruai, mal in sawn ti cu hmuh thei rori ih a lang a si.

             

Hlawh tlinnak cu Pathian ruangah a si,

Concert caan hman dan pawl cu a hnuai lam vek in asi.

 

7:00pm cekci ah Pastor Sui Nei Luai ih thlacam nak in kan thawk

1.Aizawl CCYI president S.Lal Hu Lian in CCYI thawi pehpar aw mi thutawi sim nak a nei

2.Hlasak nak in Solomon...

-- Lairam na dam maw?

-- Chin nun maw!!

3.Bethsy lalrinsangi

-- Nitin te ka nun nakah

4. S.Hu Lian leh Mai Hnemte

--A lo semsuah tu thei aw !

5.Mai Mawimawi

--Vang lai ni

5.Salai Than Cung Luai

--Caan Tharah

 

  

6.Mai Ma Sung

--Zik Dik

7.Mai Suan Cing

-- Caan taak can tha

8.PBK Liankhuma

--Haleluiah thisen thisen

9.Lungawi thu sim nak:

 Salai Lal Bial Lian in a nei

10.Solomon

--Bybelon

11.Solomon leh Mai Par Mawi

--Pathian sunglawi sinseh

12.Mai Mawimawi

--Thangthat Uh

13.Mai Jenet Sente

--Hmang mai aw

14.Sir Matthew

-- Maw Bawipa

15.Liangdingpuii

-- A hmel mawi min hmuh ter tu

16.Hlutei

--Bawipa a tha

17.BPK Liankhuma

--Nun thuruk

18.Bethsy lalrinsangi

--Isua hnen ah

 

Hi hlasak nak a cem hnuah mipi auaw cun solomon hlasak ter sal uh ti in,an au ciamco ih an nei mi sumpai pawl cu an deng ciam co ih vawikhat ten vawikhat ten ti in an au ciamco,cui sin Lairam na dam maw? ti mi leh Chin nun maw ti mi hla cu sak in,nazi 9:30 cekci ah ziang lo zet cing ten mai um nak hmun kan pan ciau asi.

Ngan sual mi leh siar nuam lo um le cu in ngai thiam hram ....

By.

 S.Lal Hu Lian

CCYI President  

Aizawl