Saya Run (Thuron upa) Hnen ihsin Birthday lawmnak

"GOD IS GOOD all the time"

Happy Birthday CCYI!

Leitlunhuap Laimi Khristian Pawlkom timi hi MANI te ahkhan si hmang a rak ding thok ka ti ih,Kan miphun Thlarau-Thinlung-Taksa a kilkip in buk awton ih tthangso dingin tithei tawkte ke a karnak tla

Kum khat timi NI 365 tla a rak kim man men si maw hi!

Bawipa a ttha, kan hrangah a ttha hleice!

Kum zabu 21 computer san, internet san IT saangzet san ih ummi kan si bangin Kan thinlung khuaruahnak tla sanmanzet in ong awzet le kauzet ih a feh ve a ttul. Asinan, Pathian Thu (Theology) le Thurin (Doctrine) pom le fehpi daan ah siseh, Nunphung: Laittong le Laica kan fehpi le kan hman daan (Theory) ah siseh, Thinlungput le khuaruah fiaktuk/bituk asilole zalentuk/cokpolhtuk ih feh ding cu a si lo.

Mirang ih Alternative an timi le Compromise an timi pahnih hi bang awkter lo ding a thupi ngaingai.
A san le tikcu caan santiluan ih zirin kan nuntu khawsak dinhmun a thlengh awk bangin Pathian Thu kan fehpi daan ah a liamciami caan reipii vek si nawn loin kan thlengh ttulmi a um ding vekin Laica ka fehpi daan khal ah sanman cafangkom (spelling) tla kan sersuak (create) ih kan zir a ttul ve ding.

Kan HMIN ah International kan ti awk bangin, Kan thinlungput daan, kan khuakhan lairel daan le kan hnattuan daan ziangkim khal ahhin, "Mai' khua, mai' tlang, mai' hrinhnam terek le mai' pawl le kawhhran thufehpi daan lawng kai fetfet in, hnar-leeng a kaan lomi ruahnak le cangvaihnak style cu hrial, hlonhlo le hmang nawn loin, A harhdammi Pathian Thupom le International level Calai fehpi daan thei le thlun thei zuam ding a si.

Culawng ah kan miphun sungah lungrualnak taktak (real unity) a um thei dingih;
Cemnetnak a nei thei dingah ruahsannak a um lemlomi thu el awknak a reh thei ding.
Cule kan zate'n kut ong zom aw in kan miphun le (kan ram) hrangah hlawhtlingzet in,
Thil ttha kan ttuansuak thei dingih tthang thar nonawn (new generation) hrangah
Hminsintlak, cawntlak le thluntlak lamzin kan sial thei ding.

Khrih le Miphun hrangah thuanthu mawite ngantu ah lo hmang vingvo hram seh!

Saya Run
Thuron upa