Chin (Laimi) PuPa suahkehnak

Chin (Laimi) kan pupa pawl cu A.D 835c in Chindwin tipi an tanih A.D 1400 hrawngtiang Khampat,Kabaw valley,Myitta,zaw peng le Kalay valley hmun pawl ah an rak um.

Mar,Masho ,Tlanglo unau pawl cu A.D 1300 hrawngah Laitlang an rak kai.

Tidim peng (Cimnuai ) unau pawl cu A.D 1370 hrawngah Laitlang an rak Kai.

Chin (Lailun) pupa pawl suahkehnak!

A.D 1287 ah Mon pawlin Pagan khawpi cu an do ih A.D 1289 cun Pagan khawpicu a siat, Mon ral pawl ih dunglam in Shan pawl cun  Nanchoa pawl an do ih an neh. 

Nanchoa pawl ih an rak lawnmi Chin , Pyu ramthing le Kawl(Pagan)ram zaten  Shan pawl in an lak theh a si.

A.D.1301 ah Awa (Ing-wah) khawpi in Chin le Kawl pawl cu Shan cun Chieftian ship SPHuk daan in a vawn uk thluh.Culai ah Chin (laimi )Khawbawi (headman)pakhat cu Shan Chief(Sian sawbua) ah an rak hmang.Cui Sawbua pa cu Inn 1,000 a uk ih fapa pakhat a nei.

Cui a fapa hmin cu Pu Mang Sur a si .Nupi pahnih a nei ih fate panga a nei.

A fapa pawl hmin cu Pu Thuam Kai,Pu Phurh Hlum,Pu Ral Thang,Pu Khami le Pu zaw tla an si.

Pu Mang Sur cu a sankim hlanah a thi ih a nupi pahnih fa  pawl cu an putar (Sian sawbua) in a rawn zoh.

Hi unau nga (Shian ngi-nong) an hawng cut hrawngah an putar sawbua cun a thih san.

An putar a thih tikah ro an cuh aw ih unau hnih hi upa deuh si ding an bang an groups an cak ihLaimi suahkehnak unau thum cu an neh thei a si ;

Cutin unau thum cu A.D1368c-1400c karlak ah tlangpar an kai.

 Laimi suahkehnak Pu Thuam Kai ,Pu Phur Hlum, Pu Ral Thang cu kan Lairam ih Chieftain(MiUk)daan suahpitu hmaisabik khal an rak si .

Chin miphun pupa pawl cu laitlang an rak kai can khal a bangaw lo ,tong phun tampi neimi khal kan si nan Chin hnam kan sinak cu kan thisen ah a rak um a si. Curuangah Chim miphun kan sinak fangah cun kan phuntling in kan lungrual theibik  a si.

B.C sanlai April thla hrawngih Pathian ih thlawsuah a rak pekmi Noah ih sungkua sung in Chin miphun hmin cu tuilai san ah cun tlangpar ih tohmi mei inn bangtuk in leitlun khawzakip ah a vangkau vivo a si.