Chinram(Falam)
Na din tlang zoh in a sang,
"hleng ban teh si pei maw" tiin,
vei hnihkhat beidawng can a um theu.
hnget zet ih na dingnak a sang ko.
Tunah,..kei na fahniang,
ka thlennak kipah,hnget ih ding thei,
sangsin fehdan i rak roh.
Lairam(Falam)
Sukso,kawikil,remrual lo zin pawl,
zawh har ka ti.
vei hnihkhat phunchiar in ka um.
Tunah,...kei na fahniang,
khawvel athlum,aal,athur,athak,akha,
sukso zintampiah,tuarfei leh
zindik hmuthiam bah leh thawhsal dan,i rak zirh.
Lairam(Falam)
Va phunkim nuam,awn mawiin,
partin vul iang,zilthli thiang mankhung,
tlaitluan in na nei.
Tunah,....kei na faniang,
sunglam,lenglam thinnuam mawinak,duhdawtnak le
lungtluangnak pawl thawn,
lungawi thiam ding i zirh.
Ka theihlanin ka tulmi itawlrelsak tu....Lairam(Falam)
Na tangnem ih hlapiah na sunlawih zia ka fiang sinsin....Lairam(Falam)
Na riahsianak tih damdan umthei pei maw?.....Lairam(Falam)
Ka lo ngai......Lairam(Falam)
Ka lo duh.......Lairam(Falam)
Ka hrang.......Lairam(Falam)
SangSang
USA.
No comments:
Post a Comment