2-Korin 10:4 Raldo -nak ih kan hmanmicu Leilung hriamnam a si lo.
A hmaisabik ah zumtu pawl hi Ralkap vek kan si, Ral do ding kan nei ringring.
Raldo ding cun,
kan ral zo a si? kan ral ziang tlukin a tum/a cak? ziang ralthuam a hmang? kanral khui tawkah a um? ti mi kan theifiangta a ttul.
1.
kanral zo a si?
kan ral cu Ephisa 6:12 sungah kan ral cu Thisen le Taksa nei an si lo Van hmun ih um thlarausual pawl an si. kan nih cu kan mi nungpi kan do ttheu ruangah kanfuh theilo cu ruangah tu ni tiang kan tthangso theilo nak a si.
2.
kanral ziang tiat a si?
kanral tumzia cu mtt 4:9 sungah Bawi Jesuh hnenah na khuk bilin i biak aw la hi Leilungpi le a sungih um mi hmuahhmuah kalo pe ding titupa a si, Johan14:30 sungah Hi leilung uk tu pa a ra zo a ti, 1Johan 5:19 Leilung pumpi hi setan thuthu in a um a ti. cu tlukih a tumzia kan theih fianghnu lawngah ziangtin kando ding? timi kan thei thei ding.
3.
Ziang hriamhrei a hmang?
Mtt 4:1-11 sung thotho ah Bawi Jesuh siat nak dingah, ttongkaa neemte a hmang, kan theihcia vekin Jesuh pumpuar nak ding, Jesuh hming than nak ding, Jesuh Lal nak tuahsak/ bawmding vekin a ra,cu ruangah kan thei thiam ttheulo.
4.
Khui ah a um?
Kanral khui ah a um timi kan zoh a si le, a hmai sa bikah Kawl thu fimah na rual ttha bik hi fimkhur aw an ti. Mi rang thu fimah, na nupi or pasal hi na ral tumbik a si an ti. Mi nung mifim pawl hman in ralhi hlapi ah an umlo neihte ah, kan innsung sawnah a um a si timi fiangte'n an hmu thei a si.
kan Baibal sungah Pa pathian le Bawipa Jesuh ih in sim mi kan zoh thlang ding.
Sentir nak 3:1-12 sung kanzo a sile Evi le Adam Thingrah an ei ruangah Pathian thawn an peh zawm aw nak an sungih an thlarau a thi ih a mah setan thlarau sawnin a luahkhat ruangah Papathian tlai Nineem ih Eden hmuan a rat tikah Adan in lawngfangkheh ka siruangah ka thinphaangin ka relh a si ti ah a ti nak san kha a sungah setan thlarau in a cencilh ruangah a si.
Mtt 15:18-19 sungah Ziangah tile mi a thah tertu, ttaangtawm sual nak a tuattertu, nupa sualnak a tuahtertu, ruuk a ru tertu, thuphan a pertertu le ruahnak siava hmuahhmuah cu thinlung sungih sin a suakmi a si a ti. Cu ruangah misualpa setanpa hi kan thinlung sawnah a um ti nak a si.
Jeramiah 17:9 sungah Mi lai ih thinlung cu zoso kan thei thei ding?ziangdang hnakin mibum hmangbik a si, damter dingah a harzet a natnak a besiatuk a ti.
Rom 7:20 sungah Tuah ka duh lomi ka tuah a si ah cun a sullamcu a tuahtu kha kei mah a si lo ih ka sungih a nungmi sual nak a si sawn ti nak a si a ti. cuti a si ruangah kanral cu hmundangah a um lo ih Mi dangkhal an silo ih kanral cu kan mah kan thinlung hi a si, Himi thu kan thei ngah a sile mi kan mawh thluk nawnlo dingih mihi ralah kan tuah nawnlo dingih mihi thiamlo kan puh nawnlo dingih keimah ka thiamlo, keimah ka diklo keimah ka tthatlo ruangah a si ti mi kan thei thiam vele, cu tikah, Asaiah 9:6 Naute in pe zo a hmin cu Remnak Bawi a si, a ti mi kha kan hrangah hi Baibal bungcaang hi kan hmang dik thlang ding.
Tu cu Ral dodan kan zir thlang ding.
Pathian in raldo kanthiam thei nak dingah Samuel 1 nak 17:39-40 sungah Davide le Goliath hmangin in zirh mi kan zoh a sile Davide hi Soulih ralthuam le hriamhrai pawl an pek naan, a hmang duhlo ih a Tuu khal nak Funghreu le Lungto sawn a lak ih cumi hmangin Goliath ral a neh ti mi kan hmu, ziangsi a tiduh san a sullam kan zoh a sile'n Mi nungih Thluak le Thinlungih suakmi fim thiamnak le Thazaang hmangin ral neh theih nak a umlo ti mi kan theih fiang thei nak dingah in sim duhmi a si ti kan thei thei a si. Funghreu le Lungto a lakmi in ziang a sawhduh kan ti a sile'n Hla phuahtu in kan himnak lung Jesuh le Cross a sawh duhmi a si.
Khui tawkah kan hmu thei, Ephisa 6:10-20 sungah Pathian ralthuam famkim ti mi kan zoh tikah, nan Taikap ai ah Thutak, ttangphaw ai ah dingnak, keedam ai ah thuthangttha, thirphaw ai ah zumnak, lukhum ai ah rundamnak le ralnaam ai ah Pathian ttongkam himi pawlhi raldo nakih hmang dingin in pek mi ralthuam pawl cu an si. Minung Thazaang, Fimthiam nak le Minung tuahcopmi Ralthuam a tello.
Hi mi in in khihhmuh a tum mi cu Jesuh neih ih Bawi Jesuh sawn hmang ding in ti nak a si.
Cu ruangah Rom 12:17-21 sung kan zoh a sile keimah in phuba ka la ding, keimah in ka let rul ding, na ral a riilrawng tikah rawl pekaw, a tiihaal tikah tii pekaw in ti nak a si.
Hi thu hi a dikzia 2Siangphahrang 6:21-23 sung kan zoh a sile, cutikah Elisha in nan ral pawl nan thatlopei ral nan donakih nan kaihmi hman nan that lo pei an eiding tii le rawl pek u la an siangphahrang hnenah tlung hai seh ti ah a ti, Cuih ttum thawkin Siria ralkap pawlin Isreal ram an do nawn lo ti mi kan hmu thei.
Tu cu raldo kan thiam thlang ruangah 1Johan 5:4-5 sung kan zoh a sile, Khawvel a nehtu cu zo so an si? Jesuh cu Pathian fapa a si ti in a zumtu pohpoh cu khawvel neh tu an si.
A poi mawh em mai kan Chinmi pawlin a tlunih kan nganmi pawlhi a takin hmang thlang u sih.kan u nau karen pawlin Bawi Jesuh hmanglo in politic le hriamhrei an hmang ruangah tuisunah anram le inn-lo suah san in refugee an cangttheh, Kachin pawl khalin an ramsuak sui-ngun le lungto mankhung an rinsan ruangah tlaksiat lam a pan vivo ti kan hmu.
Cu ruangah U le Nau Jesuh lawng kan ralbawi ah le ralphaw ah hmang u sih, Jesuh lawng politics hruaitu ah sawm u sih,cu ti cun khawvel neh tu taktak kan si ding
No comments:
Post a Comment